قضى الشهر يابوي وين انت ماجيت
با قول لك مبروك وأجـمـل تـهـانـي
وينك يبه عن دانتك رحت وابطيت
يـلفـّـني حـزنـي وهــمـّي غشـــــاني
قالوا لي مسـافر وأنا لك تحــرّيـت
لا طِــق باب(ن) قلت كوده لفاني
يا بوي شـفت الناس جونا وشكـّيت
أبي الحقيقه بس ما احد(ن) شفاني
في اعيونهم دمع(ن) وحزن وتناهيت
في موقـف(ن) يا بوي زلزل كـيانـي
من غيبتك حلّ الحزن واظلم البيت
متى أشـــوفك أنت شــمعة زمــاني
لي مدة(ن) يا بوي أصبر وعدّيت
أيّــامــها وســـاعـاتـهـا والثــوانــي
حـبل الرجـا يا بوي بايديّ شــديت
إن راح يوم(ن) قلت في يوم ثاني
تـذكــر لعبنا يوم عنّــك تخـفـّيت
يـومــك تدوّر لين تـلقـى مكـاني
يا مـا عـلى متـنـك ركـبـت وتحـدّيت
إني ما اطيح ولو ركض بي حصاني
وتذكر تمشّينا وشيّ(ن) به اشفيت
تشــريــه لـي وتقول الله عــطــاني
يابوي صمت الشهر من غير تفويت
كبرت أنا يا بوي عــمــري ثـمـانـي
أبشـّـرك يابـوي صمته وصلّيت
والحمد للمعبود رب(ن) هداني
ليتك معي يا بوي يا ليت يا ليت
تقول لي مبروك وتفرح عشاني
عند الفطور لدمع الاعيان هلّيت
خــالــي مكانك أكلـهم ما هنانـي
لو الطـعـام أنواع مـا به تهنّـيت
تكفيني الكسره وأشوفك وزاني
الزاد عـفته ولذّة النوم جـافــيت
من غيبتك يا بوي نومي جفاني
يا حسرتي إن كان في العيد ما جيت
ولا قلت لي مبروك عيد ارمضاني
ما همّـني لبس(ن) جديد(ن) لي اهديت
شـــوفك يبه أزهـى لباس(ن) كســاني
الرئيسية 
أحدث الصور 
التسجيل 
دخول 
تبـآدل اعلــآني 
معرض 
